Andre Maria Zuriaren jaiak (Gasteiz)

Hor ditugu, konparazio batera, San Prudentzioren —Arabako santu zaindariaren— erromeria, Gasteizko Armentia auzoan apirilaren 28an ospatzen dena; edo Olarizuko erromeria, irailean, udaren hondarrean. Guztiz jendetsuak izaten dira Andre Maria Zuriaren —hiriburuko zaindariaren— jaiak, abuztuaren 4tik 9ra.

Asko dira, bestalde, inauterietako jaiak, probintzia osoan antzinako ohituren gordailu. Merezi dute bisita, adibidez, Zalduondoko inauteriak, edo Guardian maiatzean egiten den Gaita-jotzailearen Eguna.

Neguan ere ez dira jaiak eteten. Garai horretan izaten dira San Bizente eta San Anastasio, urtarrilean, Oionen. Herri txikietan, santu zaindarien egunetan, jai franko izaten da, eta makina bat jende erakartzen dute.